Entrega di sertifikado Kurso Derecho laboral BES na delegadonan i miembronan di AFBW.

Djabièrnè dia 10 di yüli a tuma lugá entrega di sertifikado kurso Derecho laboral BES, na delegadonan i algun miembronan di e sindikato AFBW, esaki a tuma luga den un ambiente ameno i festivo na kas sindikal AFBW. For di komienso di e aña aki a start ku e kurso di Derechi laboral BES serka mr. Anthony T.C. Nicolaas di Nicolaas Consultancy, Training & Services B.V.
AFBW ta sigui ku su meta i vishon i eduká i edifiká su miembronan ta un di esakinan.
Na momentu ku a haña invitashon pa partisipá na e kurso aki, mesora a manda un total di 12 persona na e kurso aki. E kurso aki ta amplia bo konosementu riba e tereno laboral BES, ta un kurso interesante ku diferente tópikonan di diskushon laboral.
Durante di e temporada di e kurso e training aki tambe a wòrdu afektá pa e sirkunstansia nan di COVID 19, pero den e kurso aki tambe tin e parti digital i no klasikal so, por a sigui hasi esaki via e sistema virtual (E – Learning). AFBW i Nicolaas Consultancy, Training & Services B.V. huntu ku e kursista nan por mira bek riba un kurso ku resultadonan eksitoso. Ku e logro aki AFBW tin delegadonan ku por asistí su miembresia riba e tereno di derecho laboral BES.
AFBW ta duna un pabien na tur ku a logra nan sertifikado i forsa pa ku e trabounan pa ku e derecho di e klase trahadó.