Bonaire C.N. Kralendijk,
24 mei 2023.
Den komienso di luna di mei e presidente di e sindikato Saba United People’s Labor Union and Association (SUPLUA), señora Ludwina Charles tabata di bishita serka e sindikato Algemene Federatie van Bonairiaanse Werknemers (AFBW).
SUPLUA ta un sindikato ku ta representá trahadónan den e sektor di salubridat na SABA.
For di komienso di e negoshashon CAO ZORG BES, AFBW tin kontakto ku SUPLUA mirando ku nan ta e sindikato ku ta representá e organisashon den e sektor di salubridat na SABA i AFBW tambe tin representashon den e sektor di salubridat na Boneiru.
Sra. Ludwina tabata di bishita na Boneiru pa bishita familiar i a probechá di hasi un bishita na AFBW i tambe a hasi un bishita pa sera konosí ku miembronan di USIBO, mirando ku SUPLUA tambe ta un di e organisashon nan sindikal ku a sostené e manifestashon di dia 12 di mei último.
Tabata un atardi hopi ameno pa por a sinta i kombersá i interkambiá riba pensamentunan sindikal i laboral di e dos isla nan SABA i Boneiru.
Un di e punto nan ku sigur a papia hopi riba dje ta e “CAO ZORG BES”.
Di parti AFBW tabata presente direktiva i shopsteward nan di Fundashon Mariadal.
Riba e portada por mira e Presidente di SUPLUA i e delegashon di AFBW.
