Riba e portada por mira d.r.p.d, Hermenegildo Cecilia, Primo Bernabela, Ewald Abdul, Norwin Willem, Eric Vlijt i Rudolfo Statie.
Kralendijk Boneiru,
Djabièrnè dia 28 ougùstùs 2020 a tuma lugá entrega di “Oorkonde” na 6 miembro honra pa e Sindikato AFBW.
Pa promé bes den 54 aña ku AFBW ta hasi esaki konforme su statuto Artíkulo 8. AFBW a skohe pa kuminsá ku esnan ku tabata den e promé fila na momentu ku a funda e sindikato aki i tambe a honra un miembro ku ta traha inkansa-bel pe sindikato. Pa AFBW esaki no ta keda te aki, pero lo plania pa sigui wak esnan ku a nifiká hopi pa e Federashon aki i duna nan, e rekonosementu ku nan meresé.
Presidente di AFBW, señor Cherel F Kwidama i Presidente di USIBO señora Mavis Abrahams a hiba palabra e anochi aki, un anochi históriko.
Tabata un anochi den un ambiente ameno i festivo na kas sindikal AFBW, kompañeronan sindikal i nan famianan a topa i kombersá ku otro.
