Siman pasa djaweps e kompania Bonairiaanse Wegenbouw Maatschappij N.V. (BWM) i sindikato Algemene Federatie van Bonairiaanse Werknemers (AFBW) a firma un CAO pa 3 aña, di 2022 pa 2024.
BWM i AFBW a kuminsá negoshá den luna di mart 2022 di e aña aki, despues ku partido nan a firma un akuerdo di negoshashon, e asina yama “onderhandelingsprotocol”na luna di novèmber 2021.
Pa por a yega na e CAO aki no tabata fásil pero tampoko difísil, a tuma tempu si pa por a yega na firmamentu di e CAO.
Mester a hasi uzo di hopi sistema digital pa por interkambiá dokumento nan i tambe hasi reunionnan digital ku e tim di negoshadó di Kòrsou.
Un CAO ku sigur tin hopi benefisio i adelanto pa e trahadónan di BWM.
Direktiva di AFBW ta yama danki na e tim negoshadó di BWM i AFBW, ku por a yega na un CAO 2022 – 2024.
Awor partidonan tin un akuerdo laboral ku otro, kual tin ku wòrdu biba, tantu pa ku e dunadó di trabou i trahadó.
AFBW ta pidi tur miembro pa por lesa nan CAO i sea alerta i skerpi, tambe AFBW ta pidi tur trahadó / miembro pa por kumpli kabalmente ku nan Debernan i kumpliendo ku bo Debernan bo por eksigí bo Derechinan. Partidonan ta di opinion ku mester por traha huntu na bienestar di e kompania i e trahadónan.
Pabien na e trahadónan di BWM ku nan CAO nobo.
Direktiva di AFBW,
BWM | CAO
