Siman pasa un delegashon di AFBW, den persona di Mikael Janga, Saphira Janga i Mizraima Everon a asistí na konferensiá di CLA “Collective Labor Agreement”, esaki den e kuadro di un RAM CAO ku e tres isla nan BES ke introdusí. Instansianan di salubridat di isla nan BES ta kanando un trayekto pa yega na un RAM CAO, e proyekto aki ta wòrdu dirigí i guia pa e kompania FWG ( Functie Waardering Gezondheidszorg)
FWG a organisá 2 dia pa tur partido bini huntu, tantu dunadó di trabou i e sindikatonan ku tin representashon den e organisashon nan aki i di kual AFBW tin representashon den e organisashon Fundashon Mariadal.
E organisashon nan ku a tuma parti na e konferensiá aki ta Fundashon Mariadal, Sint Eustatius Auxiliary Home, Saba Cares, St Eustatius Health Care Foundation, Mental Health Caribbean i di parti sindikatonan, AFBW, SUPLUA i All For 1 (one).
E delegadonan a deliberá i interkambiá di opinion ku e kompañero nan sindikal di isla ariba.
Tabata dos dia ku nan por a traha riba nan “netwerk” i tambe haña un bista pa ku e RAM CAO.
E delegadonan di AFBW awor tin sufisiente informashon i konosementu pa por ta na mesa di negoshashon pa por yega na un RAM CAO 2023 – 2025 di kual Fundashon Mariadal tambe ta bai forma parti.
AFBW lo traha huntu ku e dunadó di trabou pa yega na un CAO kaminda e trahadó lo tin benefisio for di esaki.
Lo wak e mehorashon nan riba un tèrmino kòrtiku i tambe riba largo plaso, pa un CAO kaminda e hende ta sentral.
Direktiva di AFBW ta yama danki na e delegadonan aki pa por e representá AFBW i na tur e miembronan / trahadónan di Fundashon Mariadal, pa e sosten i ideanan pa adelanto pa ku e CAO 2023.
Direktiva di AFBW
