AFBW ta kere ku nos mester traha konhuntamente ku otro i no banda di otro i kòrda no ta direktiva so mester por trese mehorashon den AFBW, pero ta tarea di nos tur komo miembro di AFBW.
AFBW ta sugerié trahadónan pa forma parti di un sindikato, uni bosnan mes. AFBW a introdusí e sistema di miembro individual, pa asina abo komo trahadó por bira miembro di e Federashon aki i huntu bringa inhustisia laboral. Huntu nos por traha riba e puntonan aki i drecha e kalidat di bida di e trahadó, pero tambe pa por deliberá konhuntamente ku doño nan di trabou i e diferente instansia nan i ku “USIBO” por trese e plannan, proyektonan i puntonan di mehorashon den reunion nan di diálogo sentral.
“Uni nos ta fuerte, dividí nos ta pèrdí”
Apresiabel kompañero nan i koleganan,
Na promé lugá mi kier a gradisí boso pa e sosten den mi persona y den direktiva. Direktiva ta pone su mes disponibel pa su miembronan.
Nos ta konsiente ku tin hopi trabou nos dilanti i ku mester hasi i sigui amplia nos eksperensia den tur e ramonan, pero ku kurashi y perseveransia nos lo traha na bienestar di nos miembronan i hiba AFBW kaminda nos tur ke mir’é un Federashon respetá i bon mira den nos komunidat i pa e motibu aki nos lo basa nos pensamentu riba e lema: “AFBW e diferensia” .
Apresiabel kompañero nan i koleganan,
Na promé lugá mi kier a gradisí boso pa e sosten den mi persona i den e direktiva. Direktiva i su delegadonan ta pone nan mes disponibel pa su miembronan.
Nos ta konsiente ku tin hopi trabou nos dilanti i ku mester hasi i sigui amplia nos eksperensia den tur e área nan sindikal, pero ku kurashi y perseveransia nos lo traha na bienestar di nos miembronan i hiba AFBW kaminda nos tur ke mir’é, un Federashon respetá i bon mira den nos komunidat i pa e motibu aki nos lo basa nos pensamentu riba e lema: “AFBW e diferensia” .
Direktiva: Cherel F Kwidama, presidente; Jose Cappella, vise presidente; Sharella Wanga Francees, sekretaria; Carol Razab Sekh Joomun, vise sekretaria, Bradly Wanga, Tesorero; Mario Francees, miembro di direktiva; Gregory Martines, miembro di direktiva.
AFBW ta kumpli awe dia 22 novèmber, 54 aña di eksistensia. Palabra di Presidente:
